Atletiek

Van ons atlete het aan die Fonteine uitnodigingsbyeenkoms in Sasolburg gaan deelneem.  Ten spyte van baie sterk kompetisie het ons atlete baie goed presteeer.  Baie geluk aan die volgende atlete wat plekke tydens die byeenkoms behaal het.

Ons het die Satelietbyeenkoms, wat op Woensdag, 29 Januarie plaasgevind het, suksesvol aangebied. Tydens die byeenkoms het ons 66 eerste plekke, 53 tweede plekke, en 42 derde plekke behaal.

Trio atlete het op 8 Februarie 2025 aan die Super 8 byeenkoms deelgeneem in Germiston en dit was 'n reuse sukses! Met uitsonderlike deelname en spanwerk het ons die dag met pret en prestasie geskok.

Tydens die Fezile Dabi Kampioenskappe, gehou by Loubserpark in Kroonstad op 12 Februarie, het ons atlete besonders goed presteer. Ons het altesaam 45 eerste plekke, 28 tweede plekke, 24 derde plekke, en 15 vierde plekke behaal.

Ons atlete het op Saterdag 1 Maart aan die Noord-Vrystaat Atletiekbyeenkoms deelgeneem. Baie geluk aan die atlete wat gekwalifiseer het om op Saterdag 8 Maart aan die Vrystaatbyeenkoms in Bloemfontein deel te neem.

Op 8 Maart het 'n aantal belowende atlete aan die Vrystaat byeenkoms in Bloemfontein deelgeneem en uitstekende prestasies behaal. Vier atlete het daarin geslaag om hul plekke te verseker vir die komende SA Kampioenskappe in Germiston. Hierdie atlete is Lana Nel (70m hekkies) , Anika van Schalkwyk (Spiesgooi), Retief Hugo (70m Hekkies) en Ray Kuiper (Gewigstoot).

Tydens die byeenkoms het die atlete nie net individuele suksesse behaal nie, maar ook as 'n span uitgestaan. Volgens die APE tabel punte het die 0.10 seuns, Retief Hugo en Ray Kuiper, 'n algehele derde plek behaal. By die 0.11 dogters het Lana Nel, Lianné de Vos, Rele Hlaole, en Samu Mdluli ook uitstekend gevaar en hul span het 'n algehele tweede plek behaal.

Ons wens hierdie talentvolle atlete alle sterkte toe vir die SA Kampioenskappe en vertrou dat hulle voort sal bou op hul prestasies. Hulle is 'n ware inspirasie vir die gemeenskap en het met trots ons skool se naam hoog gehou.